ფიფას პრეზიდენტმა იოზეფ ბლატერმა განაცხადა, რომ 2020 წელს, ევროპის ჩემპიონატის 13 ქვეყანაში ჩატარების იდეა არ მოსწონს.

“ტურნირი ერთ ქვეყანაში უნდა ჩატარდეს. ეს მას უნიკალურობას სძენს და სადღესასწაულო ატმოსფეროს შექმნის გარანტიას იძლევა. მათ 2020 წლის ტურნირი ნაგლეჯებად დაჰყვეს. ასე რომ, ეს უკვე ევროპის ჩემპიონატი არაა. მას სხვა სახელი უნდა ეწოდოს, არც კი ვიცი რა. ასეთ “ევროს” სული და გული დააკლდება”- განაცხადა ბლატერმა გერმანულ გამოცემა “კიკერთან” საუბარში.