“პარის სენ-ჟერმენის” მთავარ მწვრთნელი ლორან ბლანი ჟურნალისტებს ჩემპიონთა ლიგის მოახლოებულ შეხვედრაზე უსაუბრა, რომელშიც მისი გუნდი “ბარსელონას” მიიღებს შინ.

ბლანმა გუნდის საკადრო პრობლემებზე ისაუბრა და იმედი გამოთქვა, რომ გუნდის ლიდერი ზლატან იბრაჰიმოვიჩი თამაშს მოახერხებს.

“ლავეცის თამაში გამორიცხულია. მას ალბათ ერთ კვირამდე გაუცდება. აღდგენით პროცესს განაგრძობს ტიაგო სილვა, რაც შეეხება ზლატან იბრაჰიმოვიჩს, მისი საკითხი ბოლო წუთს გაირკვევა. ზლატანს სამედიცინო შემოწმება ჩაუტარდება და მას შემდეგ გაირკვევა მისი ბედი. დიდი იმედი მაქვს, რომ ის თამაშს შეძლებს. მისი მოედანზე ყოფნა ჩვენთვის უმნიშვნელოვანესია”. – განაცხადა ფრანგმა სპეციალისტმა.

შეგახსენებთ, რომ პსჟ-სა და “ბარსელონას” შეხვედრა სამშაბათს 22:45 წუთზე დაიწყება.

ირაკლი ალიმბარაშვილი