საქმე ისე მიდის, რომ მომდევნო სეზონიდან, იტალიური “რომას” მთავარი მწვრთნელი ლორან ბლანი იქნება. L’Equipe-ს ცნობით, 47 წლის ფრანგი “ჯალორისის” ხელმძღვანელობასთან მოლაპარაკებებს უახლოეს პერიოდში გამართავს და თუკი ყველაფერი გეგმაზომიერად წარიმართება, კონტრაქტზეც შეთანხმდება.

ფრანგული პრესის ინფორმაციით, მხარეები მთავარ საკითხებზე სიტყვიერად უკვე შეთანხმდნენ. ბლანი რომაელებთან 2-წლიან კონტრაქტს გააფორმებს. შესაძლოა, იტალიელებმა ბლანის დანიშვნის შესახებ ოფიციალური განცხადება დღესვე გააკეთონ.

ევროპული მედიასაშუალებები “რომას” “ლილის” თავკაც რუდი გარსიასაც უკავშირებენ, თუმცა მთავარი მწვრთნელის პოსტზე უდავო ფავორიტი ბლანია.