60 კილოგრამ წონით კატეგორიაში მოჭიდავე ქართველმა ძიუდოისტმა ბეთქილ შუკვანმა თბილისის მსოფლიოს თასის ოქროს მედალს ობერვარტის მსოფლიოს თასის ოქროც მიამატა. საქართველოს ნაკრების წევრმა ავსტრიულ ტატამზე 5 მეტოქის დასამარცხებლად 6 წუთი და 23 წამი იკმარა.
პაატა მერებაშვილსა (60 კგ) და ზებედა რეხვიაშვილს (73 კგ) კი მსოფლიოს თასის კვარცხლბეკზე ასასვლელად თითო მოგება დააკლდათ - ორივე რეპეშაჟის ფინალში დამარცხდა და საბოლოოდ მეხუთე ადგილს დასჯერდნენ.
შუკვანმა პირად რეიტინგს 100 ქულა შემატა. ხოლო რეხვიაშვილმა და მერებაშვილმა 20-20 ქულა გამოიმუშავეს.

ოთარ მაღლაკელიძე