სტამბოლის “ბეშიქთაშის” ხელმძღვანელობამ დაადასტურა, რომ კლუბი ტოგოს ეროვნული ნაკრებისა და ლონდონის “ტოტენჰემის” ფორვარდ ემანუელ ადებაიორის შეძენითაა დაინტერესებული. ამის შესახებ Turkish Football-ს თვით თურქული კლუბის პრეზიდენტი ფიქრეთ ორმანი ესაუბრა.
“ჩვენ დაინტერესებული ვართ მისი შეძენით და სავსებით რეალურია, რომ ეს ტრანსფერი განხორციელდეს. მთავარი საკითხი ის იყო, შევძლებდით თუ ვერა ამ სეზონზე ევროთასებში მონაწილეობას. სულ მალე ლონდონში მივემგზავრები და შეთანხმებაც გაფორმდება”, - დარწმუნებულია ორმანი.
არაოფიციალური ინფორმაციით, 29 წლის ადებაიორის სანაცვლოდ სტამბოლელები 6 მილიონ გირვანქა სტერლინგს გადაიხდიან.
