"ასტონ ვილაში" განათხოვრებული ლონდონის "ჩელსის" ფეხბურთელი რაიან ბერტრანდი აცხადებს, რომ "სტემფორდ ბრიჯზე" რეგულარული თამაშის შანსს იმსახურებს.

"ზაფხულში ლონდონში ჩავალ და თუ მათ მოუნდებათ ჩემი დატოვება ძალიან გამიხარდება. "ჩელსიში" თამაშს ვანიჭებ უპირატესობას, მაგრამ არ მინდა სულ სათადარიგო სკამზე ვიჯდე. ლამპარდის, ტერის, დროგბას, კოულის გვერდით მითამაშია და წლების განმავლობაში ბევრი გამოცდილება მივიღე. "ჩელსიში" ორი წელი ვითამაშე და ჩემპიონთა ლიგაც მოვიგე. ვფიქრობ, რომ შანსს ვიმსახურებ”, - განაცხადა Daily Mirror-თან საუბრისას ბერტრანდმა.

შეგახსენებთ, რომ 24 წლის ფეხბურთელი ლონდონელებმა "ჯილინგემიდან" 2006 წელს გადაიყვანეს. ბერტრანდმა გუნდში ფეხი ვერ მოიკიდა და სხვადასხვა კლუბებში განათხოვრების წესით თამაშობს.

გიორგი ბალახაძე