რაფაელ ბენიტესისა და ჟოზე მოურინიოს მიერ ერთმანეთის შესახებ პრესაში გაკეთებულ მკვახე განცხადებებს ბოლო არ უჩანს. ახლახან, ლონდონის “ჩელსიში” დაბრუნებულმა მოურინიომ გამოაცხადა, რომ უეფას ევროპის ლიგის ჩემპიონობა მისთვის წარუმატებლობა იქნება. შეგახსენებთ, “ჩელსიმ” ეს ტიტული გასულ სეზონში ბენიტესის ხელმძღვანელობით მოიპოვა.
“არიან მწვრთნელები, რომლებიც ძალიან ბევრს ლაპარაკობენ. ამის ნამდვილი მიზეზი ისაა, რომ მუდმივად ყურადღების ცენტრში ყოფნას ცდილობენ”, – უთხრა ამჟამად უკვე “ნაპოლის” მწვრთნელმა რაფაელ ბენიტესმა ერთ-ერთ იტალიურ გამოცემას და მიუხედავად იმისა, რომ კონკრეტული გვარი არ დაუსახელებია, ყველა მიხვდა, ვისაც გულისხმობდა.
