ბოლო დროს იტალიურ მედიაში გავრცელებული ინფორმაციის თანახმად, "ნაპოლის" პრეზიდენტ აურილიო დე ლაურენტისსა და მთავარი მწვრთნელ რაფაელ ბენიტესს შორის უთანხმოება მოხდა, მიზეზად - გუნდის ჩემპიონთა ლიგაზე ვერმოხვედრა სახელდება.
თუმცა საპირისპიროს ამტკიცებს თავად ესპანელი სპეციალისტი. ბენიტესი ამბობს, რომ დე ლაურენტისთან კარგი ურთიერთობა აქვს და მალე, კლუბის პრეზიდენტს კონტრაქტის გახანგრძლივების თაობაზე დაელაპარაკება.
"გაოცებული დავრჩი, როდესაც ჩვენ შორის უთანხმოებაზე დაწერეს. ამით მხოლოდ სიტუაციის დრამატირება მოახდინეს. ამჟამად, დე ლაურენტისი ამერიკის შეერთებულ შტატებშია და როცა დაბრუნდება, ჩვენ ახალი კონტრაქტის დეტალებს განვიხილავთ. ვნახოთ, როგორ განვითარდება მოლაპარაკება." - აღნიშნა ბენიტესმა.
შეგახსენებთ, რომ ესპანელ სპეციალისტს იტალიურ კლუბთან კონტრაქტი 2015 წლის ზაფხულამდე აკავშირებს.
გიორგი ბალახაძე
