რამდენიმე დღის წინ საინფორმაციო სააგენტოებმა გვაუწყეს, რომ არგენტინელი ფორვარდის გონსალო იგუაინის გადაბირება დასავლეთლონდონის “ჩელსის” სურს და “არისტოკრატები” პატაგონიელის სანაცვლოდ 60 მილიონი ევროს გადახდისგან უკან არ დაიხევენ. ბრიტანელთა წინადადებას “ნაპოლის” დამრიგებელი რაფა ბენიტესი გამოეხმაურა.

ნეაპოლელთა ესპანელთა მთავარმა მწვრთნელმა არაორაზროვნად განაცხადა, რომ “პიპიტას” შელევას სულაც არ აპირებს და სამომავლოდაც გონსალოს იმედი ექნება. შეგახსენებთ, “ნაპოლიმ” იგუაინი მადრიდის “რეალიდან” გასულ ზაფხულს 37 მილიონ ევროდ შეიძინა, მიმდინარე სეზონში კი 26 წლის თავდამსხმელმა სერია A-ს მატჩებში ნეაპოლელთა ღირსება 16-ჯერ დაიცვა და მოწინააღმდეგეთა კარის ბადე 9-ჯერ შეარხია.