მადრიდის "რეალის" ბრაზილიელმა ნახევარმცველმა კასემირომ, მომდევნო სეზონი შესაძლოა, ლისაბონის "ბენფიკაში" გაატაროს. ესპანური პრესის ინფორმაციით, პორტუგალიურ გრანდს ახალი სეზონის დაწყებამდე ბრაზილიელის ერთწლიანი იჯარით აყვანა სურს.

თავის მხრივ, უარზე არც მადრიდული კლუბია. მას შემდეგ, რაც ესპანელებს გერმანელი ტონი კროოსი შეუერთდება, ბრაზილიელ ფეხბურთელს კლუბში სათამაშო დრო კიდევ უფრო შეუმცირდება. გასულ სეზონში კასემირომ "სამეფო" კლუბის მაისურით მხოლოდ 25 მატჩი ჩაატარა და ერთი გოლი გაიტანა. გასული წლის ზაფხულში მადრიდელებმა 22 წლის ფეხბურთელი "სან პაულოდან" 6 მილიონ ევროს სანაცლოდ შეიძინეს. ბრაზილიელ ფეხბურთელს "რეალთან" კონტრაქტი 2017 წლის ზაფხულამდე აკავშირებს.

გიორგი ბალახაძე