34 წლის უელსელმა ფორვარდმა კრეიგ ბელამიმ საფეხბურთო კარიერის დასრულების შესახებ განცხადება გააკეთა.
“კარიერის დასრულების შესახებ ბოლო წლებია ვფიქრობ, მაგრამ ამ გადაწყვეტილების დრო ახლა მოვიდა. ჯანმრთელობას უნდა გავუფრთხილდე. საფეხბურთო კარიერის განმავლობაში, სხვადასხვა სახის ტრავმებსა და ტკივილებს მივეჩვიე, მაგრამ უკანასკნელ 3-4 წელში, დაზიანებები მეტისმეტად გახშირდა. ჯანმრთელობა მეტის საშუალებას არ მაძლევს. დროა ვთქვა: “საკმარისია”, - განაცხადა ბელამიმ ერთ-ერთ უელსურ გამოცემასთან ინტერვიუში.
ცნობისათვის, ბელამის საფეხბურთო კარიერაში 543 მატჩი და 169 გოლია. უელსელის უკანასკნელი კლუბი "კარდიფი" გახლდათ.
