მიუნხენის “ბაიერნის” საპატიო პრეზიდენტმა ფრანც ბეკენბაუერმა “ალიანს არენაზე” “მანჩესტერ იუნაიტედის” ლიდერის – უეინ რუნის გადმობირების სურვილი ღიად დააფიქსირა.
“ძალიან ბედნიერი ვიქნები, თუ რუნი “ბაიერნში” გადმოსვლას გადაწყვეტს. შეესაბამება თუ არა სიმართლეს გავრცელებული ხმები? ვერაფერს გეტყვით”, - განაცხადა ბეკენბაუერმა გერმანულ პრესასთან საუბრისას.
მოგეხსენებათ, უკანასკნელ კვირებში, ევროპული მედიასაშუალებები “მანჩესტერიდან” რუნის შესაძლო აბარგების შესახებ ბევრს საუბრობდნენ. მიუხედავად ამისა, “წითელი ეშმაკების” თავკაცი ალექს ფერგიუსონი ირწმუნება, რომ ინგლისელის გაშვებას არ გეგმავს.
