ლონდონის “ტოტენჰემის” მარცხენაფლანგელი, უელსელი გარეთ ბეილი, პრემიერლიგის პირველ ტურს გამოტოვებს. 24 წლის ფეხბურთელს, ლონდონელთა რიგებში, ივლისის შუა რიცხვების შემდეგ არ უთამაშია. თავდაპირველად, მას ბარძაყის კუნთი ჰქონდა დაჭიმული, ხოლო ამჟამად ტერფს იტკიებს.

“ის პირველ ტურში არ ითამაშებს, რადგან ტრავმის გამო, წინასასეზონო მომზადების დიდი პერიოდი გამოტოვა”, – იუწყება “ტოტენჰემის” მთავარი მწვრთნელის, პორტუგალიელი ანდრე ვილაშ-ბოაშის სიტყვებს Sky Sports-ი.

აქვე გეტყვით, რომ შაბათს, 17 აგვისტოს, პრემიერლიგის პირველ ტურში, “ტოტენჰემი” “კრისტალ პალასს” დაუპირისპირდება.  22 აგვისტოს, ლონდონელები ევროპის ლიგის პლეი ოფში, თბილისში, ადგილობრივ “დინამოს” შეხვდებიან.