ინგლისური “სტოკის” კარის დარაჯი ასმირ ბეგოვიჩი ლაზარეთში თვეზე მეტ ხანს გაატარებს. ბრიტანული პრესის ცნობით, 25 წლის ბოსნიელმა 25 დეკემბერს ჩატარებულ ვარჯიშზე თითი მოიტეხა.
“ბეგოვიჩი 5 ან 6 კვირის განმავლობაში ვერ დაგვეხმარება”, - განაცხადა “სტოკის” თავკაცმა მარკ ჰიუზმა.
ბოსნიელმა “ნიუკასლთან” ინგლისის პრემიერლიგის უკანასკნელი ტურის მატჩი სწორედ ამ მიზეზით გამოტოვა. “სტოკის” კარში, ბეგოვიჩის ადგილი დანიელმა ვეტერანმა ტომას სორენსენმა დაიკავა.
