ესპანეთის ქალაქ ბარსელონაში მიმდინარე საჩოგბურთო ტურნირის პირველ რაუნდში მსოფლიო რეიტინგის 53-ე ჩოგანმა ერნესტს გულბისმა ორ სეტში ვეტერან ჩეხ რადეკ შტეპანეკს სძლია (7:6, 6:2) და მეორე რაუნდის საგზურიც მოიპოვა.

მატჩი 1 საათსა და 39 წუთს გაგრძელდა. ამ დროის განმავლობაში ლატვიელმა მეტოქის 5 მოწოდების აღება შესძლო, საკუთარი კი მხოლოდ სამჯერ დათმო. ერნესტსის ანგარიშზე 1 ეისი და 4 ორმაგი შეცდომა გახლდათ, რადეკმა კი თავი 2 ეისით გამოიჩინა.

ამ ჩოგბურთელთა ურთიერთდაპირისპირებათა ისტორიაში ანგარიში 3:0 გახდა გულბისის სასარგებლოდ. ტურნირის მეორე წრეში მისი მეტოქე ესპანელი ფერნანდო ვერდასკო იქნება.