ფეხბურთი

17:23 | 25.06.2014 | ნანახია [] - ჯერ

“ბარსელონამ” ბრავოს ტრანსფერი დაადასტურა

“ბარსელონამ” 31 წლის ჩილელი მეკარის, კლაუდიო ბრავოს ტრანსფერი ოფიციალურად დაადასტურა. კატალონიური კლუბის ოფიციალური ვებგვერდის ცნობით, “ბარსამ” “სოსიედადის” კიპერთან 4-წლიანი კონტრაქტი გააფორმა.

ბრავო რომ კარიერას “ბარსელონაში” განაგრძობდა, ეს აქამდეც ცნობილი იყო. გასარკვევი მხოლოდ ის რჩებოდა, რა ფასად დაუჯდებოდათ კატალონიელებს ჩილელი მეკარე. როგორც გაირკვა, “სოსიედადი”, ბრავოს სანაცვლოდ, მხოლოდ ფულს მიიღებს და “ბარსას” არცერთი ფეხბურთელი სან სებასტიანურ გუნდში არ გადავა. ტრანსფერის ღირებულება ოფიციალურ დონეზე არ ხმაურდება. გავრცელებული ინფორმაციით, კატალონიელები “სოსიედადს” 12 მილიონ ევროს გადაუხდიან. “ბარსას” წარმატებით თამაშის შემთხვევაში, ეს თანხა რამდენიმე მილიონით გაიზრდება.

კლაუდიო ბრავო “სოსიედადში” 2006 წლიდან თამაშობდა. 8 წლის განმავლობაში, სან სებასტიანურ გუნდში მან 237 თამაში ჩაატარა და ერთხელ, საჯარიმო დარტყმით, გოლიც კი გაიტანა.

გავრცელებული ინფორმაციით, კლაუდიო ბრავოს სათადარიგოთა სკამზე მუდმივად ჯდომა არ მოუწევს და ის “ბარსელონას” კიდევ ერთ ახალწვეულ მეკარეს, მარკ-ანდრე ტერ შტეგენს კონკურენციას გაუწევს.

0.11501