კატალონიური “ბარსელონა” გუნდის ყოფილ მეკარეს, ვიქტორ ვალდესს გამოჯანმრთელების დროს სამედიცინო დახმარებას სთავაზობს.
გასული სეზონის მიწურულს, ვალდესმა მძიმე ტრავმა მიიღო და ის ფეხბურთს რამდენიმე თვით ჩამოშორდა. იმ დროს უკვე ცნობილი იყო, რომ 32 წლის ფეხბურთელი “ბარსას” ტოვებდა და მას გადაწყვეტილება არც ამის შემდეგ შეუცვლია. თუმცა, ცოტა ხნის წინათ ცნობილი გახდა, რომ “მონაკომ”, რომელთანაც ვალდესს წინასწარი კონტრაქტი გაფორმებული ჰქონდა, ფეხბურთელის შეძენაზე უარი განაცხადა. შედეგად, ვალდესი, ჯერჯერობით, უგუნდოდაა.
EL Mundo Deportivo-ს ცნობით, “ბარსელონა” ვალდესს კლუბის ბაზაზე მკურნალობასა და სამედიცინო დახმარებას სთავაზობს.
რაც შეეხება ვალდესსა და “ბარსელონას” შორის ახალი კონტრაქტის გაფორმებას – ეს თითქმის გამორიცხულია, რადგან კატალონიელებს 3 მეკარე ჰყავთ.
