კატალონიის “ბარსელონა” უკანახაზელ ჟერარ პიკეს ახალ კონტრაქტს შესთავაზებს. ამის შესახებ Marca იუწყება.

აღნიშნული წყაროს ინფორმაციით, ახალი ხელშეკრულება ფეხბურთელისთვის გაცილებით მომგებიანი იქნება. თუკი მოლაპარაკება შედგება, პიკე “კამპ ნოუზე” 2018 წლამდე დარჩება. მას კატალონიელებთან მოქმედი კონტრაქტი 2015 წლამდე აკავშირებს.

ცნობისათვის, “ბარსელონა” კონტრაქტის თაობაზე მოლაპარაკებების დაწყებას ვიქტორ ვალდესთანაც გეგმავს.