"ინტერი" და "ნაპოლი" "ბარსელონას" 22 წლის მცველით მარტინ მონტოიათი დაინტერესდნენ. იტალიურ გრანდებს ახალგაზრდა ესპანელის გადაბირება სურთ, თუმცაღა კატალონიური კლუბი ფეხბურთელის გაშვებას არ აპირებს.

მონტოიას აგენტის ხოსეპ მარია ორობიჯის თქმით, კლუბის მესვეურებმა მას განუცხადეს, რომ სეზონი უკვე დაიწყო და ფეხბურთელი არ გაიყიდება.

"ნაკლებად სავარაუდოა ესპანელმა "ბარსელონა" დატოვოს, თუ ეს მოხდება მონტოიას გული ძალიან დაწყდება. ახალ ხელშეკრულებასთან დაკავშირებით,  უახლოეს მომავალში კლუბთან საუბარს განვაახლებთ" _ განუცხადა calciomercato-ს მონტოიას აგენტმა.

შეგახსენებთ, რომ "ბარსელონას" აკადემიის აღზრდილი მარტინ მონტოია 2011 და 2013 წლებში, ესპანეთის 21-წლამდელთა ნაკრებში ევროპის ჩემპიონი გახდა.

გიორგი ბალახაძე