კატალონიის “ბარსელონა” “პარი სენ-ჟერმენის” მცველის – მარკინიოსის შეძენასთან ახლოსაა. ესპანური მედიის ცნობით, კატალონიელები 20 წლის ბრაზილიელის სანაცვლოდ მარჯვენაფლანგელ დანიელ ალვესს და 25 მილიონ ევროს შეელევიან.

“ბარსელონა” ალვესს 12 მილიონ ევროდ აფასებს, რაც იმას ნიშნავს, რომ მარკინიოსის სატრანსფერო ღირებულება დაახლოებით 37 მილიონი ევრო იქნება. პარიზელებს ალვესის ხილვა დიდი ხანია სურთ და როგორც ირკვევა, მოლაპარაკების წარმატებით დასრულების შანსი ძალზე დიდია.

ცნობისათვის, საფრნაგეთის ჩემპიონატის გასულ სეზონში, მარკინიოსმა 21 მატჩი ჩაატარა და 2 გოლი მიითვალა.