“ბარსელონას” დირექტორთა საბჭო გუნდის მთავარი მწვრთნელის პოსტზე ძირითად კანდიდატად ლუის ენრიკეს განიხილავს. ამის შესახებ ესპანური პრესა იუწყება.

43 წლის სპეციალისტი, რომელსაც “ბარსაში” არაერთი სეზონი უთამაშია, 2008-2011 წლებში “ბარსელონა ბ”-ს მთავარი მწვრთნელი იყო, 2011-2012 წლების სეზონში იტალიურ “რომას” ხელმძღვანელობდა, ხოლო ამჟამად “სელტას” თავკაცობს.

იმ შემთხვევაში, თუ ლუის ენრიკე “ბარსელონას” გაწვრთნას დათანხმდება, კატალონიურმა კლუბმა კომპენსაციის სახით “სელტას” 3 მილიონი დოლარი უნდა გადაუხადოს.

შეგახსენებთ, რომ “ბარსელონამ” ახალი მთავარი მწვრთნელის ძებნა მას მერე დაიწყო, რაც 19 ივლისს, ტიტო ვილანოვამ ჯანმრთელობასთან დაკავშირებული პრობლემების გამო თანამდებობა დატოვა.