კატალონიის “ბარსელონა” გოლეადორის ძიებაშია და ერთ-ერთ კანდიდატად “ნაპოლის” ფორვარდ გონსალო იგუაინს განიხილავს. ესპანური მედიის ცნობით, არაა გამორიცხული, მადრიდის “რეალის” ყოფილი თავდამსხმელი “კამპ ნოუზე” გადაბარგდეს.
სავარაუდოდ, “ბარსელონასა” და “ნაპოლის” შორის მოლაპარაკებები უახლოეს პერიოდში დაიწყება. იგუაინის გარდა, კატალონიელებს “მანჩესტერ სიტის” ფორვარდი სერხიო აგუერო და “რომას” თავდამსხმელი მატია დესტროც აინტერესებთ.
შეგახსენებთ, რომ იგუაინი “რეალიდან” “ნაპოლიში” გასულ ზაფხულს გადაბარგდა. ნეაპოლელთა მაისურით, არგენტინელმა იტალიის ჩემპიონატში 32 მატჩი ჩაატარა და 17 გოლი მიითვალა.
