კატალონიური “ბარსელონა” ზამთრის სატრანსფერო პერიოდში დაცვის ცენტრის გაძლიერებას გეგმავს.
მთავარი მწვრთნელი ტატა მარტინო კარლეს პუიოლისა და ჟერარ პიკეს თამაშით უკმაყოფილოა და უმოკლეს პერიოდში ახალი მცველის შეძენას აპირებს.
Punto Pelota-ს ინფორმაციით, კატალონიური კლუბის ხელმძღვანელობა ინგლისის “ლივერპულის” მცველ დანიელ აგერს აკვირდება, რომელიც არცთუ ხშირად ხვდება მერსისაიდული კლუბის სასტარტო შემადგენლობაში.
მის გარდა განიხილება სანტიაგო ვერგინის კანდიდატურაც, რომელიც მარტინის ყოფილ კლუბ “ნიუელს ოლდ ბოიზში” თამაშობს. კატალონიელები “დორტმუნდის” მცველ მატს ჰუმელსზეც ფიქრობენ, რომელიც ამ დროისთვის ტრავმირებულია და მოედანზე დაბრუნებას მხოლოდ იანვარში მოახერხებს.
