“ბარსელონას” პირველი ნომერი ვიქტორ ვალდესი 5 იანვარს, “ელჩეს” წინააღმდეგ გასამართი მატჩის განაცხადში მოხვდა. ამ ინფორმაციას კატალონიელთა ოფიციალური ვებგვერდი ავრცელებს.

ვალდესს, “ბარსელონას” მაისურით, 10 ნოემბრის შემდეგ არ უთამაშია. ცოტა ხნის წინათ ცნობილი გახდა, რომ 31 წლის კიპერმა ტრავმა მოირჩინა და მან ექიმებისგან თამაშის ნებართვა მიიღო, რასაც ტატა მარტინოს მიერ ფეხბურთელის განაცხადში შეყვანა მოჰყვა.

ჩვეულ რეჟიმში ვარჯიშის მიუხედავად, კვლავ განაცხადს მიღმა დარჩა ლიონელ მესი, რომელიც ასევე 10 ნოემბრის შემდეგ უთამაშებელია. ივარაუდება, რომ არგენტინელი მოედანს 8 იანვარს, “ხეტაფესთან” გასამართ სათასო დაპირისპირებაში დაუბრუნდება.

მესის გარდა, “ელჩესთან” ვერც ალვესი და ბუსკეტსი ითამაშებენ. ბრაზილიელი ავადაა, ხოლო ესპანელმა ყვითელი ბარათების ლიმიტი ამოწურა.