"ვალენსიას" არგენტინელი ცენტრალური ნახევარმცველი ევერ ბანეგა, მომდევნო სეზონს "სევილიაში" არენდის წესით გაატარებს. აღნიშნული ინფორმაცია, ანდალუსიელთა ოფიციალურმა ვებ-გვერდმა დააანონსა.

იმ შემთხვევაში, თუ 26 წლის ფეხბურთელი ახალ კლუბში სამედიცინო შემოწმებას წარმატებით გაივლის, ბანეგა 2014/15 წლების სეზონს "სევილიას" მაისურით ჩაატარებს.

არგენტინელისთვის სხვა კლუბში განათხოვრება უცხო ხილი ნამდვილად არაა. 2008 წლის იანვარში "ღამურებმა" ბანეგა "ბოკა ხუნიორსიდან" დაიმატეს და იმავე წლის ზაფხულშივე მადრიდის "ატლეტიკოში ერთწლიანი იჯარით გაუშვეს.

2014 წლის იანვარში, ნახევარმცველი არგენტინულ "ოლდ ბოიზში" ნახევარი სეზონით გაანათხოვრეს, ამჯერად კი ფეხბურთელს "სევილიაში" უკრეს თავი.

გასული სეზონში, ევერ ბანეგამ "ვალენსიასა" და "ოლდ ბოიზში" ჯამში 42 შეხვედრა ჩაატარა, გაიტანა 2 გოლი და თავი 5 საგოლე გადაცემითაც გამოიჩინა.

გიორგი ბალახაძე