“მილანის” ცენტრალური თავდამსხმელი მარიო ბალოტელი, დიდი ალბათობით, “ბარსელონასთან” გასამართ პირველ საჩემპიონთალიგო მატჩს გამოტოვებს.

ბალოტელიმ ტრავმა ნაკრების ერთ-ერთ ვარჯიშზე მიიღო. იყო ვარაუდი, რომ 23 წლის ფეხბურთელი მხოლოდ “უდინეზესთან” მატჩს გამოტოვებდა და ექიმები “ბარსელონასთან” თამაშამდე მის ფეხზე დაყენებას მოახერხებდნენ. თუმცა, La Gazzetta dello Sport-ის ცნობით, ტრავმა მოსალოდნელზე მძიმე აღმოჩნდა. ფეხბურთელს დეტალური სამედიცინო გამოკვლევა უახლოეს მომავალში ჩაუტარდება. ამჟამინდელი ინფორმაციით, ბალოტელი “ბარსელონასთან” და “პარმასთან” გასამართ დაპირისპირებებს გამოტოვებს.