მარიო ბალოტელი, რომლის “ლივერპულში” გადასვლაც თითქმის გადაწყვეტილია, მერსისაიდელთა რიგებში თავის სადებიუტო მატჩს “მანჩესტერ სიტის” წინააღმდეგ ვერ ჩაატარებს.

გავრცელებული ინფორმაციით, ბალოტელის ინგლისში დაბრუნებას წინ ვეღარაფერი დაუდგება. “ლივერპული” “მილანს” 22 მილიონ ევროს გადაუხდის, ხოლო ფეხბურთელთან 4-წლიან კონტრაქტს გააფორმებს და მას წლიურად 6 მილიონს გადაუხდის. ივარაუდება, რომ ბალოტელი სამედიცინო შემოწმებას დღეს გაივლის და ტრანსფერიც ოფიციალურად დადასტურდება.

“ლივერპული” უახლოეს მატჩს 25 აგვისტოს, “მანჩესტერ სიტის” წინააღმდეგ ჩაატარებს. Sky Sports-ის ცნობით, ბალოტელი ამ თამაშში მონაწილეობას ვერ მიიღებს, რადგან კლუბი მის განაცხადში შეყვანას ვერ მოასწრებს.

შეგახსენებთ, რომ “მილანში” გადასვლამდე ბალოტელი სწორედ “სიტიში” თამაშობდა.