“მილანის” ფორვარდმა მარიო ბალოტელიმ განაცხადა, რომ ზამთრის სატრანსფერო სეზონში, კლუბის შეცვლას არ გეგმავს. 23 წლის თავდამსხმელისთვის პრიორიტეტული “როსონერიში” თამაშია.

“პრესაში, ჩემზე გამუდმებით რაღაცას წერენ. ამ ინფორმაციებიდან სიმართლეს არცერთი შეესაბამება. პსჟ-ში გადასვლა გამორიცხულია”, - განუცხადა ბალოტელიმ აპენინურ მედიას.

ცნობისათვის, იტალიის ჩემპიონატის მიმდინარე სეზონში, ბალოტელიმ “მილანის” მაისურით 16 მატჩი ჩაატარა და 9 გოლი მიითვალა.