Sky Italia ავრცელებს ამონარიდს ლუკა ბანტის ანგარიშიდან, რომლიდანაც ირკვევა, რომ მარიო ბალოტელი იტალიელ არბიტრს მოკვლით ემუქრებოდა.

“მილანსა” და “ნაპოლის” შორის გამართული შეხვედრის (1:2) შემდეგ, ბალოტელიმ მთავარი არბიტრის, ლუკა ბანტის მიმართ უკმაყოფილება ზედმეტად აქტიურად გამოხატა, რის გამოც მან წითელი ბარათი მიიღო. მოგვიანებით, ბალოტელის სასჯელად 3-მატჩიანი დისკვალიფიკაცია განისაზღვრა, ხოლო დღეს ცნობილი გახდა, თუ რა უთხრა ბალოტელიმ ბანტის.

“მოგკლავ! შენ ამ ყველაფრისთვის პასუხს აგებ.” – იტალიელი ჟურნალისტების ცნობით, სწორედ ამ სიტყვებით მიმართა ბალოტელიმ ბანტის, რაც ამ უკანასკნელმა თავის ანგარიშში ასახა.