მიუნხენის “ბაიერნმა” ბელგიელ მცველს დანიელ ვან ბუიტენს კონტრაქტი აღარ გაუხანგრძლივა.

“ჩვენ კლუბთან მოვილაპარაკეთ და გადავწყვიტეთ კონტრაქტი აღარ გაგვეხანგრძლივებინა. თუმცა, “ბაიერნში” მელოდებიან არა როგორც მოთამაშის, არამედ, სხვა ამპლუაში. საუბარი ამ თემაზე გრძელდება” – იუწყება ვან ბუიტენის სიტყვებს ფრანგული გამოცემა L'Equipe.

ჯერჯერობით უცნობია ვან ბუიტენი კარიერას სად გააგრძელებს. არაა გამორიცხული, ის კვლავ ბელგიაში დარჩეს. აქვე გეტყვით, რომ მსოფლიოს 2014 წლის ჩემპიონატის შემდეგ, 36 წლის მცველი სანაკრებო კარიერას დაასრულებს.