მიუნხენის “ბაიერნის” თავკაც პეპ გვარდიოლას “დორტმუნდის” ვარსკვლავი მარკო როისი სურდა, მაგრამ “რეკორდმაისტერის” ხელმძღვანელებისგან უარი მიიღო. ამის შესახებ Tuttomercatoweb-ი იუწყება.
“ბაიერნის” ხელმძღვანელობამ როისზე უარის თქმა იმით ახსნა, რომ გერმანელის შეძენისთვის კლუბი კრიტიკას დაიმსახურებდა. მიუნხენელებს არ სურთ ვინმეს ეგონოს, რომ “ბაიერნი” “დორტმუნდის” დასუსტებას ცდილობს და ლიდერებს ართმევს. მოგეხსენებათ, მიუნხენელებმა დორტმუნდელთაგან უკვე გადაიბირეს რობერტ ლევანდოვსკი, მარიო გიოტცე და მისი უმცროსი ძმა ფელიქს გიოტცე.
შეგახსენებთ, რომ “ლივერპული” როისის სანაცვლოდ 55 მილიონი ევროს გადახდაზეა თანახმა.
