მიუნხენის “ბაიერნი” 24 წლის შემტევ ნახევარმცველთან, ტონი კროოსთან ახალი კონტრაქტის დეტალებზე შეთანხმებას ვერ ახერხებს.
კროოსის მოქმედ ხელშეკრულებას ვადა მომდევნო სეზონის ბოლოს გასდის და ბუნებრივია, მიუნხენელები მის გახანგრძლივებას ცდილობენ, მაგრამ ჯერჯერობით უშედეგოდ.
“სიმართლე გითხრათ, კროოსთან მიმდინარე მოლაპარაკებებმა შედეგი ვერ მოიტანა. ამის მიზეზი ფულია. კროოსთან ახალი კონტრაქტის გაფორმებით, რა თქმა უნდა, დაინტერესებულნი ვართ და მისი დაყოლიების მცდელობას განვაგრძობთ.” – აცხადებს კარლ-ჰაინც რუმენიგე.
ტონი კროოსი “ბაიერნის” სკოლის აღზრდილია. მიუნხენელთა პირველ გუნდში რეგულარულად ის 2010 წლიდან თამაშობს. მიმდინარე სეზონში, კროოსი მოედანზე 26-ჯერ ვიხილეთ.
