საბერძნეთის ქალაქ კავალაში სტარტი აიღო საერთაშორისო საჭადრაკო ტურნირმა, რომლის უძლიერეს A დონესაც 75 მონაწილე ჰყავს. მათ შორის ორი ქართველია: ნინო ბაციაშვილი (2412) და ინგა ჭარხალაშვილი (2353).

4 ტურის თავზე ბაციაშვილს 3.0 ქულა გააჩნია და დამატებითი მაჩვენებლებით მე-5 ადგილზეა, ლიდერები კი ინდოელი სანტოშ ვიდიტი (2563) და ებრაელი ტამირ ნაბატი (2567) არიან, რომელთა აქტივში 3.5-3.5 ქულაა.

ბაციაშვილმა ბერძნებს – იოანის პოულოპულოსს (2054) და ლაბროს გიანოულაკისს (1916) სძლია, ხსენებულ ნაბატისთან და რუს ალექსანდრ ხარიტონოვთან (2547) კი ყაიმი გააფორმა. მე-5 ტურში ნინო თეთრი ფიგურებით ბერძენ დიმიტრიოს მასტროვასილისს (2595) ეთამაშება, რომელსაც ტურნირზე მე-2 განთესვა გააჩნია, პირველი რეიტინგი კი მოლდოველი დმიტრი სვეტუშკინს (2608) აქვს.

2 მოგება და 2 მარცხი მიითვალა ჭარხალაშვილმა. ინგამ ავსტრიელ ბობან ბოჟინოვიჩს (2036) და ბერძენ ფილიპოს სტამოსთან (2048) იმარჯვა, აღნიშნულ მასტროვასილისთან და ასევე ბერძენ ატანასიოს პაპადიმიტროუსთან (2240) კი დამარცხდა. ქართველი მოჭადრაკე 2.0 ქულით 36-ე პოზიციაზეა, მომდევნო პარტია კი თეთრებით ბერძენ კონსტანტინოს მეგალიოსთან (2106) ელის.