ბაქოს “ინტერის” თავდამსხმელმა ბაჩანა ცხადაძემ, ევროპის ლიგის პირველ საკვალიფიკაცი ეტაპზე, შინ ფინურ “მარიეჰამნთან” ვერმოგების (1:1) შემდეგ, azerisport.com-თან ინტერვიუში განაცხადა, რომ ნაჩვენები შედეგი ფეხბურთელების ნერვიულობამ გამოიწვია.

- რა არის მიზეზი იმისა, რომ “ინტერმა” ვერ მოიგო?

- საქმე ისაა, რომ შვებულებისა და შეკრების შემდეგ, პირველი ოფიციალური თამაში ჩავატარეთ. გარკვეულწილად ვნერვიულობდით. ალბათ, გუნდის თამაშზე ჩვენს მიერ გატანილმა სწრაფმა გოლმაც იმოქმედა. ამის შემდეგ, თითქოს გავჩერდით. თუმცა, “მარიეჰამნი” ის გუნდია, რომელიც უნდა გავიაროთ.

- ამისთვის ფინეთში გოლი გატანაა საწირო, ხოლო “ინტერის” შემტევვმა ხაზმა, რბილად რომ ვთქვათ, კარგი შთაბეჭდილება ვერ დატოვა. რა უნდა გაკეთდეს მომავალი ერთი კვირის განმავლობაში, რათა თავდასხმის ხაზის თამაში გაუმჯობესდეს?

- უბრალოდ, გოლები უნდა გავიტანოთ.

- გუნდმა ასე ცუდად რატომ ითამაშა?

- ეს მხოლოდ ნერვიულობის ბრალია. ნებისმიერ ფეხბურთელს ჰკითხეთ, თუ რას გრძნობს შეკრების შემდეგ, ევროთასებზე ჩატარებულ პირველ მატჩში.

- თქვენ შეკრების შემდეგ ჩაატარეთ პირველი ოფიციალური თამაში, ხოლო “მარიეჰამნმა” არსებობის ისტორიაში ევროთასებზე პირველად ითამაშა...

- ფინეთში საფეხბურთო სეზონი მიმდინარეობს. მე არ შევადარებ ჩვენს გუნდებს.

- მეტოქემ რამით გაგაოცათ?

- საკუთარი თავი თვითონ გავაოცეთ.