ლონდონის “ჩელსის” ნახევარმცველმა ედენ აზარმა მადრიდის “ატლეტიკოსთან” უეფას ჩემპიონთა ლიგის ნახევარფინალური მატჩისწინა ვარჯიშში მონაწილეობა ვერ მიიღო. ამის შესახებ “სკაი სპორტსი” იუწყება.

23 წლის ბელგიელმა ტრავმა პსჟ-სთან 1/4-ფინალურ მატჩში (2:0) მიიღო და ამის გამო, “სუონსისთან” (1:0) და “სანდერლენდთან” (1:2) მატჩების გამოტოვება მოუწია. სავარაუდოდ, აზარს მადრიდელებთან პირველი დაპირისპირების გამოტოვებაც მოუწევს.

შეგახსენებთ, რომ “ატლეტიკოსა” და “ჩელსის” პირველი ნახევარფინალური მატჩი სამშაბათს, მადრიდში ჩატარდება.