“ჩელსის” ნახევარმცველმა ედენ აზარმა განაცხადა, რომ ლონდონური კლუბის მთავარი მწვრთნელი ჟოზე მოურინიო წლების წინ, მადრიდის “რეალში” მუშაობის პერიოდში მას “სამეფო კლუბში” თამაშს სთავაზობდა.
“მაშინ ფრანგულ “ლილში” ვთამაშობდი. 19-20 წლის ვიყავი. მოურინიო შემეხმიანა და “რეალში” გადასვლა შემომთავაზა. ეს ჩემთვის მართლა მაცდუნებელი წინადადება იყო, მაგრამ დავფიქრდი და თავი შევიკავე. გადავწყვიტე, ჩემი შესაძლებლობები ჯერ ფრანგულ ლიგაში დამემტკიცებინა”, – გაიხსენა აზარმა.
