ორშაბათობით საჩოგბურთო რეიტინგებს გთავაზობთ, თუმცა, უკვე დღეს შეგვიძლია მოგახსენოთ, რომ ქალთა კლასიფიკაციაში მნიშვნელოვანი ცვლილება მოხდება. ამერიკული კარლსბადის ტურნირის (საპრიზო ფონდი 795707 დოლარი) ფინალში გასვლის წყალობით ბელარუსი ვიკტორია აზარენკა რეიტინგსიაში მეორე პოზიციაზე დაბრუნდება, რუს მარია შარაპოვას კი ერთი პოზიციით ქვემოთ “დააცურებს”.

კარლსბადის შეჯიბრების ფინალში აზარენკა სერბი ანა ივანოვიჩის 6:0, 4:6, 6:3 ძლევის შემდეგ გავიდა და გადამწყვეტ პაექრობაში ავსტრალიელ სამანტა სტოსურს დაუპირისპირდება, რომელმაც თავის მხრივ ფრანგ ვირჟინი რაზანოს 7:6, 6:3 მოუგო.