ძიუდოს საერთაშორისო ფედერაციამ მსოფლიოს ინდივიდუალური ჩემპიონატის შედეგები დააჯამა და ახალი რეიტინგსია გამოაქვეყნა. საქართველოს ნაკრების წევრთაგან, სეზონის უმთავრეს ტურნირზე სამეულში მოხვედრა მხოლოდ ირაკლი ცირეკიძემ (100 კგ) შეძლო და ცხადია, რეიტინგშიც თანაგუნდელთაგან გამორჩეულად დაწინაურდა. ბრინჯაოს მედლისთვის მიღებულმა 200-მა ქულამ ცირეკიძე 21-ე პოზიციამდე ასწია.
პარიზულ ტატამზე სულ 14 ქართველი გავიდა და მათგან მეოთხედფინალში გაღწევა და შესაბამისად, რეპეშაჟში გადასვლა ირაკლი ცირეკიძის გარდა ერთადერთმა ძიუდოისტმა შეძლო – ასევე 100 კილოგრამში მოჭიდავე ლევან ჟორჟოლიანმა. მართალია დამამშვიდებელ ეტაპზე უმალ წააგო, მაგრამ მე-7 ადგილით 80 სარეიტინგო ქულა მიითვალა და 4 საფეხურით დაწინაურდა – ამჟამად მე-16 ადგილზეა.
ავთანდილ ჭრიკიშვილმა (81 კგ) და ადამ ოქრუაშვილმა (+100 კგ) 60-60 ქულა შეიმატეს, მერვედფინალში გასვლისთვის. ჭრიკიშვილი ამ მონაგარმა 37-ე ადგილიდან 27-მდე ასწია და უკან ლევან წიკლაური მოიტოვა, რომელიც მსოფლიოს ჩემპიონატამდე 81 კილოგრამ წონით კატეგორიაში მოჭიდავე ყველაზე მაღალრეიტინგიანი ქართველი იყო. ამჟამად წიკლაურის ანგარიშზე მაშინდელივით 316 ქულაა და იგი იმავე – 31 პოზიციაზე დგას.
ადამ ოქრუაშვილი ზვიად ხანჯალიაშვილს 42 ქულით და 2 საფეხურითღა ჩამორჩება, თუმცა საამაყოს ვერც ერთი მათგანის პოზიციას ვერ ვუწოდებთ. ხანჯალიაშვილი 29-ეა, ოქრუაშვილი - 31-ე.
საქართველოს ნაკრების წევრთაგან საუკეთესო რეიტინგი კვლავ ამირან პაპინაშვილს (60 კგ) აქვს. მართალია, მის ანგარიშზე ისევ 756 ქულაა, მაგრამ ესეც ჰყოფნის მე-7 ადგილისთვის. ათეულში კიდევ ერთი ქართველია – ვარლამ ლიპარტელიანი (90 კგ) მე-10 ადგილს იკავებს, მიუხედავად იმისა, რომ პარიზში ტატამზე მხოლოდ ერთხელ გავიდა.
66 და 73 კილოგრამი წონითი კატეგორიები ქართული ძიუდოსთვის ისეთივე წარუმატებელ წონებად რჩება, როგორიც მსოფლიოს ჩემპიონატამდე იყო. ქართული გუნდის წევრთათვის ოცდაათეულიც კი მიუწვდომელია. შალვა ქარდავა (66 კგ) 37-ე ადგილს იკავებს, ხოლო ნუგზარ ტატალაშვილი (73 კგ) - 33-ეა. 66 კილოგრამის რეიტინგში აღარაა წლების წინანდელი საქართველოს ნაკრების ლიდერი ზაზა კედელაშვილი, 73-ს კი დავით ქევხიშვილი გამოაკლდა.
რაც შეეხებათ წონის უცხოელ ლიდერებს, შვიდი წონიდან ხუთში ცხრილს სათავეში ისევ ის ძიუდოისტები უდგანან, რომლებიც მსოფლიოს პირველობამდე პირველობდნენ – უზბეკი რიშოდ სობიროვი (60 კგ), სამხრეთკორეელი ჯაე-ბუმ კიმი (81 კგ), საბერძნეთის სახელით მოჭიდავე ილიას ილიადისი (90 კგ), იაპონელი ტაკამასა ანაი (100 კგ) და ფრანგი ტედი რინერი (+100 კგ). ამათგან ყველაზე მეტით უახლოეს მდევარს სობიროვი უსწრებს. მასსა და იაპონელ ჰიროაკი ჰირაოკას შორის სხვაობა 1336 სარეიტინგო ქულაა.
66 კილოგრამში ძველ ლიდერს, მონღოლ ცაგაანბაატარ ჰაშბაატარს წარუმატებელი მსოფლიოს ჩემპიონატის შემდეგ ერთდროულად ორმა კონკურენტმა გაუსწრო – იაპონელმა ჯუნპეი მორიშიტამ და რუსმა მუსა მოგუშკოვმა. 73-ის ექსპირველადგილოსანი, სამხრეთკორეელი კი-ჩუნ ვანგი კი იაპონელ რიკი ნაკაიას ჩამორჩა.
აქვე შვიდივე წონითი კატეგორიის საუკეთესო ხუთეულები და საქართველოს ნაკრების ყველა კანდიდატის რეიტინგი.
60 კგ
1 რიშოდ სობიროვი (უზბეკეთი) 2630
2 ჰიროაკი ჰირაოკა (იაპონია) 1294
3 გიორგი ზანთარაია (უკრაინა) 1134
4 ჰიროფუმი იამამოტო (იაპონია) 1000
5 არსენ გალსტიანი (რუსეთი) 890
7 ამირან პაპინაშვილი 756
22 ბეთქილ შუკვანი 360
28 დავით ასუმბანი 325
82 პაატა მერებაშვილი 64
158 ნესტორ ხერგიანი 12
177 სოსო ნიჟარაძე 10
66 კგ
1 ჯუნპეი მორიშიტა (იაპონია) 1284
2 მუსა მოგუშკოვი (რუსეთი) 1251
3 ცაგაანბაატარ ჰაშბაატარი (მონღოლეთი) 1198
4 მასაში ებინუმა (იაპონია) 1190
5 ალიმ გადანოვი (რუსეთი) 1160
37 შალვა ქარდავა 224
110 დავით ასუმბანი 40
134 უჩა ხუციშვილი 24
140 სანდრო იაკობაშვილი 22
159 გიორგი შოშიაშვილი 18
162 მიხეილ ხომიზური 16
162 პაატა მერებაშვილი 16
186 არსენა მაჭარაშვილი 12
202 გიორგი ფერსაშვილი 10
73 კგ
1 რიკი ნაკაია (იაპონია) 1538
2 კი-ჩუნ ვანგი (სამხრეთ კორეა) 1334
3 დექს ელმონი (ჰოლანდია) 1200
4 ჰიროუკი აკიმოტო (იაპონია) 1100
5 ჟოაო პინა (პორტუგალია) 878
33 ნუგზარ ტატალაშვილი 230
43 ამბაკო ავალიანი 176
51 ზაზა კედელაშვილი 148
64 თენგიზ პაპოშვილი 120
131 დავით კუპრაშვილი 30
151 ზვიად ბაზანდარაშვილი 20
169 ზურაბ ნოზაძე 16
206 მიხეილ ხომიზური 10
206 დავით კობერიძე 10
81 კგ
1 ჯაე-ბუმ კიმი (სამხრეთ კორეა) 2110
2 ლეანდრო გილეირო (ბრაზილია) 1600
3 ელნურ მამადლი (აზერბაიჯანი) 934
4 ტაკაჰირო ნაკაი (იაპონია) 880
5 იან ბარტონი (ბრიტანეთი) 838
27 ავთანდილ ჭრიკიშვილი 344
31 ლევან წიკლაური 316
57 დავით კარბელაშვილი 146
114 ხვიჩა ხუციშვილი 40
134 დავით ქევხიშვილი 30
140 იოსებ წელაური 28
211 პაატა ღვინიაშვილი 8
225 გიორგი ბაინდურაშვილი 6
225 დავით ჭაბუკაშვილი 6
238 გრიგოლ შინჯიკაშვილი 4
90 კგ
1 ილიას ილიადისი (საბერძნეთი) 1856
2 ტაკაში ონო (იაპონია) 1530
3 დაიკი ნიშიამა (იაპონია) 1498
4 ელხან მამადოვი (აზერბაიჯანი) 1026
5 კირილ დენისოვი (რუსეთი) 1008
10 ვარლამ ლიპარტელიანი 666
43 ზვიად გოგოჭური 186
55 მინდია ბოდაველი 132
89 საბა გავაშელიშვილი 58
111 ლაშა გურული 34
114 გრიგოლ მამრიკიშვილი 30
129 გიორგი ცოციაშვილი 24
177 ბეთქილ ნავერიანი 6
100 კგ
1 ტაკამასა ანაი (იაპონია) 1736
2 ტაგირ ხაიბულაევი (რუსეთი) 1318
3 სერგეი სამოილოვიჩი (რუსეთი) 1116
4 ჰენკ ხროლი (ჰოლანდია) 1094
5 მაქსიმ რაკოვი (ყაზახეთი) 1064
16 ლევან ჟორჟოლიანი 560
21 ირაკლი ცირეკიძე 484
53 დავით ლორიაშვილი 108
70 რევაზ ჩიკოიძე 56
85 ალექსანდრე მსხალაძე 36
106 ნოდარ მეტრეველი 20
115 ზურაბ ზვიადაური 18
+100 კგ
1 ტედი რინერი (საფრანგეთი) 2280
2 ისლამ ელ შეჰაბი (ეგვიპტე) 1520
3 ანდრეას ტოლცერი (გერმანია) 1326
4 სუნგ-მინ კიმი (სამხრეთ კორეა) 976
5 კეიჯი სუზუკი (იაპონია) 814
29 ზვიად ხანჯალიაშვილი 326
31 ადამ ოქრუაშვილი 284
45 ლაშა გუჯეჯიანი 176
84 ნოდარ მეტრეველი 46
123 გიგა გუბელაძე 8
ოთარ მაღლაკელიძე
მთავარი | ვიდეო | ფოტო | ბლოგი | ინტერვიუები | სტატიები | ისტორია |
