მადრიდის “ატლეტიკო” ბრაზილიელი ცენტრალური მცველის, მირანდას დათმობას არ აპირებს იმის მიუხედავად, რომ 29 წლის უკანახაზელის შეძენით ევროპული გრანდები არიან დაინტერესებულნი.

ბოლო დროს გავრცელებული ინფორმაციით, მირანდას დამატების სურვილს “ბარსელონა” და “მანჩესტერ იუნაიტედი” გამოთქვამენ. თუმცა, თუ El Mundo Deportivo-ს დავუჯერებთ, “ატლეტიკო” მზადაა ნებისმიერი წინადადება უარყოს. მადრიდულ გუნდში ფიქრობენ, რომ ჩემპიონთა ლიგაზე წარმატებით თამაშის შედეგად მიღებული ფული მათ წამყვანი ფეხბურთელების შენარჩუნებაში დაეხმარება.

პრობლემას ის ქმნის, რომ მირანდას კონტრაქტში არსებობს პუნქტი, რომლის თანახმადაც, მის მსურველ გუნდს ფეხბურთელის 30 მილიონ ევროდ ყიდვა შეუძლია.