“ატლეტიკო მინეიროს” პრეზიდენტის, ალექსანდრ კალილის თქმით, მისი კლუბი ნიკოლა ანელკასგან იმ თანხის დაბრუნებას მოითხოვს, რომელიც ბრაზილიელებმა კონტრაქტის მომზადების ეტაპზე დახარჯეს.

ცოტა ხნის წინათ, ცნობილი გახდა, რომ ანელკა კარიერას “ატლეტიკო მინეიროში” განაგრძობდა. გარიგება იმის გამო ჩაიშალა, რომ ფრანგი თავდამსხმელი ბრაზილიაში დათქმულ დროს არ ჩავიდა.

“ჩვენ ფული დავხარჯეთ საფრანგეთსა და მაიამიში გასამგზავრებელ ბილეთებზე, ასევე ანელკას საფრანგეთიდან ბრაზილიაში ტრანსპორტირებაზე. თუ გვეცოდინებოდა, რომ გარიგება არ შედგებოდა, ამ ფულს არ დავხარჯავდით.

ანელკა ირწმუნება, რომ ყველაფერი მოვიგონეთ. ვაპირებთ საჩივარი FIFA-ში შევიტანოთ. ანელკამ თანხა სრული მოცულობით უნდა აგვინაზღაუროს. ძალიან ვწუხვარ, რომ ასე გამოვიდა.” – აცხადებს კალილი.