მადრიდული AS-ის ცნობით, “ატლეტიკო” 21 წლის ნახევარმცველს, კოკეს 60 მილიონ ევროზე ნაკლებად არ შეელევა.

ბოლო დროს გავრცელებული ინფორმაციით, ძალზე სწრაფად პროგრესირებადი კოკეს შეძენით “მანჩესტერ იუნაიტედი” და მიუნხენის “ბაიერნი” არიან დაინტერსებულნი. თუ მადრიდულ პრესას დავუჯერებთ, “ატლეტიკო” ახალგაზრდა შუახაზელის გაშვებას არ აპირებს, რაც იმას ნიშნავს, რომ მისი შეძენის მსურველ გუნდს კონტრაქტით გათვალისწინებული გამოსასყიდი თანხის, ანუ 60 მილიონი ევროს გადახდა მოუწევს.

კოკე “ატლეტიკოს” სკოლის აღზრდილია. მადრიდელთა პირველი გუნდის მაისურით ჩატარებულ 133 მატჩში მას 10 გოლი აქვს გატანილი.