ლონდონის “ჩელსის” მარცხენა მცველი რაიან ბერტრანდი, სეზონის ბოლომდე, ბირმინგემის “ასტონ ვილაში” ითამაშებს.
ლონდონელთა 24 წლის მარცხენაფლანგელს გუნდის მთავარი მწვრთნელი ჟოზე მოურინიო არ სწყალობს. ბერტრანდმა, მიმდინარე სეზონში, მხოლოდ 3 თამაში ჩაატარა, აქედან ერთი პრემიერლიგაში. მეტი სათამაშო დროის მისაღებად ფეხბურთელმა “ასტონ ვილას” მიაშურა, სადაც ის არენდის წესით ითამაშებს.
რაიან ბერტრანდი “ჩელსის” პირველ გუნდში 2010 წლიდან ასპარეზობს. ლონდონელთა მაისურით მას 56-ჯერ უთამაშია.
