ალბათ, ფოტოდანაც ნათლად ჩანს, რა დამთხვევებზეა საუბარი, მაგრამ მოკლე განმარტება მაინც გავაკეთოთ: უეფას ჩემპიონთა ლიგისა და ევროპის ლიგის 2012-2013 წლების სეზონის ფინალებში, გარდა იმისა რომ ერთნაირი ანგარიშები დაფიქსირდა, გოლებიც თითქმის ერთსა და იმავე დროს გავიდა.

ევროპის ლიგის ფინალში, ლონდონის “ჩელსი” ლისაბონის “ბენფიკას” სტუმრის სტატუსით დაუპირისპირდა, ისევე როგორც მიუნხენის “ბაიერნი” “დორტმუნდს”. ორივე შეხვედრაში ტაბლოზე 1:2 დაფიქსირდა. “სტუმრებმა” ორივე მატჩში ანგარიში მე-60 წუთზე გახსნეს, “მასპინძლებმა” კი, 68-ე წუთზე გაათანაბრეს. თანაც, ორივე მათგანმა თერთმეტმეტრიანი დარტყმით (!).

მცირე “უზუსტობა” მოხდა მატჩების მიწურულს – არიენ რობენმა “ბაიერნს” 89-ე წუთზე მოაგებინა, ბრანისლავ ივანოვიჩმა კი, “ჩელსის” ჩემპიონობა 93-ე წუთზე მოუტანა...