მიუხედავად იმისა, რომ 100 მეტრზე სირბილში მსოფლიოს ყოფილმა რეკორდსმენმა ასაფა პაუელმა (იამაიკა) 2014 წლის სასპორტო სეზონის პირველი ნაწილი აკრძალული პრეპარატის გამოყენებისათვის მიღებული დისკვალიფიკაციის მიზეზით გამოტოვა, აქტიურ სპორტში შესანიშნავად დაბრუნდა და ტურნირს ტურნირზე იგებს. აღნიშნულიდან გამომდინარე დაგროვილი ქულებით იგი თავის სახეობაში მიმდინარე სეზონის ლიდერია. ამის შესახებ ინფორმაციას სააგენტო AP ავრცელებს.

„შევეცდები ჩემს მიერ ნაჩვენები შედეგები ყოველ მომდევნო ტურნირზე გავაუმჯობესო და რიო დე ჟანეიროს (ბრაზილია) 2016 წლის ზაფხულის ოლიმპიადაზე საუკეთესო შედეგი ვაჩვენო“, - განაცხადა პაუელმა.