შოთა არველაძის გაწვრთნილმა "ქასიმფაშამ" გასვლაზე 0:0 ითამაშა "ელაზიგთან" და მეხუთე ადგილზეა, თუმცა ტურში სხვა მატჩები გასამართია და ცხრილში სიმჭიდროვის გამო, შესაძლოა, მეცხრეზე დაქვეითებაც მოუწიოს.

რუსეთის პრემიერლიგაში "ურალმა" "კრასნოდარს" სტუმრად 1:0 სძლია. ლაშა გვალია, რომელსაც პირველ წრეში რუსეთის ვიზის არქონის გამო საერთოდ არ უთამაშია, ამჯერად განაცხადში გახლდათ, თუმცა მინდორზე არ შეუყვანიათ. შეგახსენებთ,  გვალია შარშან ზაფხულს გორის "დილადან" გადავიდა "ურალში". 

აზერბაიჯანში გიორგი ჩიხრაძის გაწვრთნილმა "სიმურგმა" გასვლაზე 2:0 აჯობა აზალ-ს, რომლის რიგებში ლაშა კასრაძემ 90 წუთი ითამაშა. "სიმურგი" მეშვიდე ადგილზეა, ხოლო აზალი – მერვეზე.