ლონდონის “არსენალის” ესპანელი ნახევარმცველი მიკელ არტეტა მიიჩნევს, რომ კლუბის ახალწვეული ალექსის სანჩესი მსოფლიოს ერთ-ერთი საუკეთესო თავდამსხმელია.

“მომდევნო სეზონს ოპტიმისტურად ვხვდები. ალექსის სანჩესის დამატება შესანიშნავი ამბავია. მსგავს დიდ ტრანსფერს ყველა ელოდა.

სანჩესი დიდი გამოცდილების მქონე ტექნიკური ფეხბურთელია, რომელსაც შესანიშნავი პასი აქვს. ჩილელს კარიერის გაგრძელების არაერთი ვარიანტი ჰქონდა, მაგრამ მან “არსენალი” აირჩია. ეს, ჩვენ, სიამაყის მიზეზს გვაძლევს.

ეს ტრანსფერი “არსენალისთვის” ბევრს ნიშნავს. ჩვენ მსოფლიოს ერთ-ერთი საუკეთესო თავდამსხმელი დავიმატეთ.” – ციტირებს არტეტას სიტყვებს Goal-ი.