ლონდონის “არსენალი” მიუნხენის “ბაიერნის” ხორვატი თავდამსხმელის, მარიო მანჯუკიჩის შეძენას შეეცდება. აღნიშნულ ინფორმაციას Daily Mail-ი ავრცელებს.
მას შემდეგ, რაც “ბაიერნმა” რობერტ ლევანდოვსკის ტრანსფერი დაადასტურა, ცხადი გახდა, რომ მანჯუკიჩი, მომდევნო სეზონიდან, ძირითად შემადგენლობაში ადგილს დაკარგავს. შექმნილი სიტუაციით სარგებლობას არსენ ვენგერი შეეცდება, რომელსაც, როგორც ცნობილია, მაღალი დონის თავდამსხმელი სჭირდება.
მანჯუკიჩმა, ბუნდესლიგის მიმდინარე გათამაშებაში, თექვსმეტივე მატჩში ითამაშა, აქედან 12-ჯერ სასტარტო შემადგენლობაში. ხორვატმა თავდამსხმელმა 10 გოლი გაიტანა, რაც გუნდის საუკეთესო შედეგია.
