ლონდონის “არსენალს” “ბარსელონას” ახალგაზრდა საყრდენი ნახევარმცველის, სერხი სამპერის გადაბირება უნდა, მაგრამ როგორც ირკვევა, 19 წლის შუახაზელს ინგლისის დედაქალაქში თამაშის სურვილი არ აქვს.

სამპერი “ბარსა ბ”-ში გამოდის. მას კატალონიელებთან კონტრაქტი 2017 წლამდე აკავშირებს და ხელშეკრულების თანახმად, ფეხბურთელის გამოსასყიდი თანხა 12 მილიონი ევროა. ესპანური Mundo Deportivo-ს ცნობით, “არსენალს” სამპერის გადაბირების რამდენიმე მცდელობა ჰქონდა. ცოტა ხნის წინათ, ლონდონელებმა ფეხბურთელის გასასყიდი თანხის გადახდაზე თანხმობა განაცხადეს, მაგრამ ახალგაზრდა ესპანელისგან უარი მიიღეს. სავარაუდოდ, ამის მიზეზი ისაა, რომ სამპერს, მომდევნო სეზონში, “ბარსას” პირველ გუნდში დაწინაურებას უპირებენ.