ბრიტანული მედიის ცნობით, ლონდონის "არსენალი" იტალიის ეროვნული ნაკრების და "მილანის" ცენტრალურ ფორვარდ მარიო ბალოტელის გადაბირებას კვლავ ცდილობს. გავრცელებული ინფორმაციით, ლონდონელებმა იტალიელთან პერსონალურ შეთანხმებას მიაღწიეს, მაგრამ ტრანსფერი ბოლომდე გადაწყვეტილი არაა. აქვე ისიც ხდება ცნობილი, რომ ინგლისელები "მილანს" ფეხბურთელის სანაცვლოდ 20 მილიონ ევროს სთავაზობენ.

მას შემდეგ, რაც 23 წლის თავდამსხმელმა, რომელიც მსოფლიო ჩემპიონატზე წარუმატებელი გამოსვლის შემდეგ, იტალიაში გააკრიტიკეს, შესაძლოა აპენინი დატოვოს. ფეხბურთელისადმი ინტერესს "ლივერპულიც" იჩენს, თუმცა დღემდე გავრცელებული ინფორმაციები მხოლოდ ჭორია.

არც იტალიურ და არც ინგლისურ მხარეს მოსალოდნელ ტრანსფერზე კომენტარი არ გაუკეთებია. მარიო ბალოტელი "მილანის" 2014/15 წლების სეზონის განაცხადში ჰყავს შეყვენილი და არის ალბათობა, იტალიელმა კლუბი არ დატოვოს.

უახლოეს მომავალში გახდება ცნობილი, სურს თუ არა "როსონერის" ახალ მწვრთნელ ფილიპო ინძაგის, ურჩი ბალოტელის კლუბში ხილვა. 23 წლის თავდამსხმელმა მსოფლიო ჩემპიონატზე გულშემატკივრებს თავი ინგლისის წინააღმდეგ გამარჯვების მომტანი გოლით დაამახსოვრა.

გიორგი ბალახაძე