კალათბურთში საქართველოს თასის დასრულების შემდეგ ჩემპიონატი ქუთაისში განახლდა. ქვეყნის თასის გამარჯვებული ქუთაისელი კალათბურთელები  სატურნირო ცხრილის მიხედვით უშუალო კონკურენტ “არმიას” მასპინძლობდნენ. ამ გუნდების პირველი წრის შეხვედრა თბილისში დრამატული გამოდგა და თეიმურაზ ბაბუნაშვილის ზუსტი ტყორცნის წყალობით “ძალოვნებმა” მოიგეს. შემდეგ თასის ნახევარფინალში ქუთათურებმა ორივე შეხვედრა მოუგეს მოწინააღმდეგეს, ახლა კი ამ მეტოქეთა შეხვედრა მიმდინარე სეზონში რიგით მეოთხე გახლდათ.

მატჩი ორივე გუნდმა მაღალ ტემპში დაიწყო. მეტოქეები აშკარად უკეთ გამოიყურებოდნენ შეტევაში, ვიდრე საკუთარი ფარის დაცვისას. მატჩის ანგარიში ჯგერენაიამ გახსნა, რასაც ზედიზედ რამდენიმე შედეგიანი შეტევა მოჰყვა ორივე გუნდის მხრიდან. საერთოდ პირველი მეოთხედი სანახაობრივი თვალსაზრისით საუკეთესო გამოდგა. დროის ამ მონაკვეთში გუნდებმა მთლიანობაში 55 ქულის გაკეთება მოახერხეს. ისე კი, ამ პერიოდის განმავლობაში წინ ძირითადად სტუმრები იყვნენ, მათ ერთი მომენტი 7 ქულით დაწინაურებაც შეძლეს - 26:19, მაგრამ რიონისპირელებმა სწრაფი და ორგანიზებული თამაშის წყალობით 8-ქულიანი გაქცევა მოუწყვეს მეტოქეს, საბოლოოდ კი მეოთხედი 28:27 მოიგეს. აღსანიშნავია პირველ პერიოდში დავით ბარბაქაძის დიდებული გარჯა, რომელმაც 3-ჯერ ზუსტად “გაისროლა” სამქულიანიდან.

მეორე პერიოდში მდევრის როლში სტუმრები აღმოჩნდნენ, მატჩში კი საერთო შედეგიანობამ იკლო. ქუთაისელები წინ კი იყვნენ, მაგრამ ერთი რამ იყო თვალსაჩინო - მასპინძელთა კალათბურთელებს მოწინააღმდეგეებთან შედარებით მეტი პერსონალური შენიშვნები ჰქონდათ, რაც გარკვეულწილად აისახებოდა კიდეც მატჩზე.

მეორე მეოთხედში ქუთათურთაგან გიგი ბარბაქაძე უნდა გამოვარჩიოთ, ხოლო სტუმართაგან გიორგი შარაბიძე, რომელთან გამკლავება მის მეურვეებს უჭირდათ. ტაიმის ბოლოს როცა ანგარიში საყაიმო იყო - 48:48, ბოლო შეტევის უფლება თბილისელებმა მოიპოვეს. ბურთი მათი გამთამაშებლის ბექა წივწივაძის “საკუთრება” გახდა, რომელმაც საკუთარი მოედნიდან ბურთიანად იარა და დაახლოებით 8 მეტრიდან ზუსტი ტყორცნა განახორციელა, შესაბამისად, სტუმრებმა პირველი ნახევარი სამი ქულის უპირატესობით 51:48 მოიგეს.

ყველაზე მწირი მონაგარი გუნდებს მესამე პერიოდში ჰქონდათ. მეტოქეებმა დაცვაში გაცილებით უკეთ ითამაშეს. დასკვნითი მეოთხედის წინ კი ტაბლოზე ანგარიში 63:67 იყო არმიელების სასარგებლოდ.

შეხვედრის უკანასკნელი პერიოდი კი დაძაბულობით წინამორბედებს აღემატებოდა. მკითხველი შეცდომაში არ უნდა შეიყვანოს მატჩის საერთო ანგარიშმა, რადგანაც პაექრობის ბოლო წუთამდე გამარჯვებულის გამოცნობა პრაქტიკულად შეუძლებელი გახლდათ. ბოლო ათწუთეულში იყო ორი ტექნიკური ჯარიმა. პირველად მასპინძელთა მწვრთნელი მალხაზ კოხრეიძე დასაჯეს გაცხარებისათვის, მეორედ კი - სტუმართა გამთამაშებელი ბუბა კვიმსაძე განზრახ “უხეშობისათვის”. “ქუთაისის” დამრიგებლის აღშფოთება მსაჯთა გადაწყვეტილებამ გამოიწვია, როდესაც წივწივაძე დაჯარიმდა ფაშაევზე. კოხრეიძე განზრახ ჯარიმას ითხოვდა, თუმცა თემიდის მსახურები ასე არ ფიქრობდნენ.

თამაშის დასრულებამდე 3 წუთით ადრე ანგარიში თანაბარი იყო - 80:80. მასპინძელთაგან ძალიან შედეგიანად გაისარჯა რევაზ დიდია, რომელმაც ბოლო ხანებში თავის საუკეთესო მატჩი ითამაშა. სტუმართაგან კი უნარიანად გამოიყურებოდა ზვიად ბაბიაშვილი, რომელმაც რამდენიმე საჭირო ბურთი ჩაუგდო მეტოქეს. ვეტერანი კალათბურთელი ალბათ საუკეთესოდაც უნდა გვეღიარებინა, რომ არა ლაშა ფარღალავა, რომელმაც დასკვნით წუთებში 11 ქულა გააკეთა. არმიელთა უკანახაზელის შეჩერება პრაქტიკულად ვერცერთმა ქუთაისელმა შეძლო. სწორედ ლაშას დიდებული თამაშის წყალობით დაწინაურდა “არმია” მატჩის ეპილოგში. ამ პერიოდში უკვე სიზუსტემ უმტყუნა ქუთაისელთა ლიდერებს, ხოლო იმ უპირატესობას რაც ტაბლოზე აისახა, არმილებმა ფაქტობრივად ბოლო წუთის განმავლობაში მიაღწიეს.

საერთო ჯამში არმიელებმა დამსახურებულად გაიმარჯვეს. გარკვეულწილად ეს ლოგიკურიცაა, მათ შემადგენლობაში ბევრი კალათბურთელია ისეთი, რომლებიც ეროვნულ ჩემპიონატში სერიოზულ ძალას წარმოადგენს. არმიელთა თავკაცს კოტე ტუღუშს ეს სიტუაცია საშუალებას აძლევს თამაშის მიმდინარეობისას როტაციას თამამად მიმართოს. რაც შეეხება ქუთაისურ გუნდს, მასპინძლებმა ხასიათი და სიმტკიცე კვლავ გამოავლინეს, მაგრამ ამჯერად არ გაუმართლათ და საკუთარ არენაზე ზედიზედ მეორე მარცხი იწვნიეს.

ქ. ქუთაისი ქუთაისი 85 - 96 არმია 04.04.14, 18:00

გუნდი 1 2 3 4 ჯამ   ქუთაისი 28 20 15 22 85 არმია 27 24 16 29 96

ქუთაისი       წუთ 2–ქულიანი 3–ქულიანი საჯარიმოები მოხსნები პას ჯარ დაკ ჩაჭ დაფ ქულ         ჩ ნ % ჩ ნ % ჩ ნ % მ ს ჯამ   4 ზაურ ფაშაევი * 37:05 3 5 60 2 6 33.3 2 2 100 0 3 3 7 3 3 2 0 14 6 ლევან გრძელიძე 09:44 0 1 0 0 0 0 2 2 100 0 1 1 1 2 0 0 0 2 7 რევაზ დიდია * 22:56 4 5 80 1 4 25 5 6 83.3 0 1 1 3 4 2 0 0 16 8 ლევან ცეკვავა * 34:54 3 8 37.5 0 6 0 0 0 0 3 1 4 12 4 4 3 0 6 9 დიმიტრი დვალიშვილი 00:00 0 0 0 0 0 0 0 0 0 0 0 0 0 0 0 0 0 0 10 ნოდარ მესხი 00:00 0 0 0 0 0 0 0 0 0 0 0 0 0 0 0 0 0 0 12 გიორგი ცირეკიძე 02:14 0 0 0 0 0 0 0 0 0 0 1 1 0 1 0 0 0 0 13 დავით ბარბაქაძე 23:40 4 5 80 4 8 50 1 2 50 0 4 4 1 4 2 1 0 21 14 ავთანდილ ლომინაშვილი 07:52 0 1 0 0 0 0 0 0 0 0 2 2 1 1 1 0 0 0 15 გიორგი ბარბაქაძე * 34:46 3 3 100 2 4 50 2 4 50 4 3 7 2 1 2 3 1 14 21 აკაკი დვალიშვილი * 26:49 5 10 50 0 0 0 2 2 100 3 1 4 1 0 3 1 2 12 23 უჩა გამრეკლიძე 00:00 0 0 0 0 0 0 0 0 0 0 0 0 0 0 0 0 0 0 0 2 2 0 1 0 0 0 0 22 38 57.89 9 28 32.14 14 18 77.78 10 19 29 28 21 17 10 3 85   არმია       წუთ 2–ქულიანი 3–ქულიანი საჯარიმოები მოხსნები პას ჯარ დაკ ჩაჭ დაფ ქულ         ჩ ნ % ჩ ნ % ჩ ნ % მ ს ჯამ   4 თეიმურაზ ბაბუნაშვილი 15:53 2 7 28.6 0 3 0 0 0 0 0 0 0 2 0 3 1 0 4 5 ზვიად ბაბიაშვილი 16:40 6 6 100 0 0 0 0 0 0 2 2 4 2 4 3 1 0 12 6 ანატოლი ბოისა * 17:14 2 3 66.7 0 3 0 0 0 0 1 0 1 2 1 0 2 0 4 7 მიხეილ ბერიშვილი * 30:55 1 3 33.3 2 3 66.7 3 4 75 2 5 7 5 1 2 0 0 11 9 ბუბა კვიმსაძე 11:10 0 0 0 1 1 100 0 0 0 0 2 2 4 2 1 1 1 3 11 გიორგი ჯგერენაია * 14:26 7 9 77.8 0 0 0 0 2 0 3 1 4 2 2 0 0 0 14 13 ბექა წივწივაძე * 32:05 2 4 50 2 3 66.7 5 6 83.3 0 3 3 2 2 3 2 0 15 14 ჟოლივეტ ტუჯანი 09:58 0 1 0 0 0 0 0 0 0 1 2 3 1 1 2 0 0 0 23 გიორგი შარაბიძე * 32:48 6 9 66.7 0 0 0 4 6 66.7 2 10 12 3 2 1 3 2 16 33 ტატო ჩაჩიბაია 00:00 0 0 0 0 0 0 0 0 0 0 0 0 0 0 0 0 0 0 50 ლაშა ფარღალავა 16:22 6 8 75 1 2 50 2 3 66.7 0 0 0 3 2 1 0 0 17 55 ირაკლი კეიდია 02:29 0 1 0 0 0 0 0 0 0 0 0 0 0 0 0 0 0 0 0 1 1 0 0 0 1 0 0 32 51 62.75 6 15 40.00 14 21 66.67 11 26 37 26 17 17 10 3 96

დასაბეჭდი ვერსია

მსაჯები:მაკა კუპატაძე, ზაზა მაჩალაძე, გურამ მიქელაძე კომისარი:როლანდ გელოვანი

www.superleague.ge-ს სტატისტიკური მონაცემები